有諗過

點解會做或者唔做某啲嘢，應該係思考之後嘅選擇。

例如點解讀書，點解返工，點解結婚／唔結，點解生仔／唔生，點解返呢份工唔返嗰份，點解信呢樣唔信嗰樣，點解同呢班人做朋友？很多人的答案好可能係，無諗過，咁啱囉，無得揀，順其自然，大部份人都係咁，朋友介紹，人地咁講，習慣咗，父母傳落嚟，唔知喎。

隨着社會越來越開放，科技越進步，人越長大，越來越多嘢有得揀。只有少數例如出身家庭，天資，健康係無得揀，或者選擇範圍同機會比較小。出生喺北韓或伊斯蘭國，咁就真係無乜得揀。

問題係，好多人都無勇氣去走出一步。離開自己嘅舒適圈，要好有「信心」。例如「天生我才必有用」，「善惡到頭終有報」，「天無絕人之路」，「助人為快樂之本」等信念，令好多人有非凡勇氣去做一啲與別不同嘅事。好多人未必有宗教，但活着必須有信念，否則就如行屍走肉，人云亦云。

你仔細觀察，思考一下呢啲「信念」，背後或多或少都有「老天爺」嘅成份，有些少近似「信仰」，但又未至於「宗教」。

「宗教」係好多人概念裏，係無得解釋，亦都唔好問咁多，你一係信一係唔信，有某啲傳統落嚟嘅習俗行為，嗰啲叫做迷信。

人應該從不同角度理解呢個世界，思考人生意義。然後鼓起勇氣去改變生活態度，做事方式。

天下無不是之小孩

有個細路女做嘢唔專心，無恆心，唔鍾意思考。咁有人送咗個3D砌圖俾佢，啱晒啦，仲訓練埋圖像思維同想像力，手眼協調添。點知佢一收到，阿媽第一時間同佢掉咗個盒同說明書，話阻埞喎。得返一堆木塊，連完成圖係點樣都唔知，齊唔齊又唔知，咁點砌呀？仲要個女砌緊嘅時候，個阿媽喺佢面前開着個電視，梗係專心唔到啦。憑空想像，我都砌咗半個鐘都砌唔到，更何況細路女？咁做阿媽嘅自己都唔用腦諗嘢，好難要求個女咖喎。

又有人批評阿女見乜就想買乜，其實都係阿媽嘅翻版，佢都係洗錢唔用腦，無預算嘅。

國外中餐館啲父母成日批評啲仔女唔肯講中文，仲特登叫佢地出嚟好似睇熊貓咁睇阿范，驚嘆佢啲中文咁好，仲識讀識寫，想叫啲仔女自愧不如。喂，唔係佢地嘅錯嚟咖，你自己諗吓點解你教唔識佢地中文啦。成日淨係識搵錢，見到啲仔女淨係識叫佢地做功課考試，同埋鬧佢地，又唔同佢地傾偈同玩，佢地咪最多學識你鬧佢嗰幾句囉，點會有興趣學呀。

雖然，我都見過醫生父母生嘅仔有啲呆笨，吸毒媽生個聰明乖女，嗰啲應該係罕見例子啩。大部份細路，尤其係青春期之前，都係好誠實咁反映緊父母嘅行為同思考模式。

做父母就唔好再責怪小朋友呢樣嗰樣，你地自己諗吓你立咗啲咩榜樣啦，好心。

見識比利時警察

話說某夜鄰居醉酒滋事，不得已報警處理。
報警後幾近一個小時還未有人到，打電話再問。
報案室說，在路上。
話說我家步行距離15分鐘之內有兩間差館。
我問，正常嗎？
答，正常得很，小姐，應該慶幸警察會來，這是星期五深夜啊！

～＊～＊～＊～＊～＊～＊～

某日，阿范心血來潮：去巴黎囉！
我：去過咁多次，唔去啦。
范：你驚呀？
我：唔係。你都見識過比利時警察效率幾咁高超，打擊恐怖份子幾咁不遺餘力咖啦。
（話說巴黎恐襲前比利時警方已收到情報，施襲者臉書上還有支持ISIS等資料）
范：咁去魯昂啦。

～＊～＊～＊～＊～＊～＊～

咁去得諾曼第，事前梗要做下功課，睇吓D-Day資料咖啦。
講到幾咁慷慨激昂，偉大光榮咁。原來D-Day之前，納粹德國已經俾蘇聯打輸緊。蘇聯用人海戰術，死傷慘重，但係贏緊。
D-Day嘅目的其實係為咗同蘇聯爭地盤。
唔好以為英美係仁義之師喎，其實同恐怖份子無分別，為咗震懾人心，以平民為目標狂轟濫炸。
D-Day之後，走難到英國嘅法國人好開心，因為可以攞返「國家主權」。巴黎居民都開心，因為巴黎太靚，無人捨得炸。住鄉郊嘅平民唔開心，雖然俾納粹統治咗四年，生活都還過得去。D-Day咁樣俾人炸完踩完，咩田咩屋都爛晒，真慘。
戰爭罪喎，係用嚟審輸咗嗰方嘅，話知你用咩手段，只要贏咗就唔使審。戰場上根本就無公平正義。
喺集中營做會計都係會入罪（http://www.epochtimes.com/b5/16/1/19/n4620108.htm），就算無直接殺人，奉命行事都唔係藉口。
所以話，唔乾淨嘅嘢真係唔好掂，污糟錢唔好收。

理財概念

友人做人做事無計劃，無儲蓄，洗錢不經大腦，夠俾就俾，鍾意就買。佢雖然收入唔高，但應付日常開支有餘，應該有能力儲錢。不過佢一有餘錢就會買無謂嘢，去好貴嘅旅行，係月光族。好彩佢唔借錢，亦好少用信用卡。

我諗，作為朋友，係咪應該同佢解釋一下理財概念呢？

但其實，佢又生存到喎，喺歐洲福利國家生活，有必要儲蓄咩？

佢鍾意整嘢食，成日請人食飯，人緣極好，所以有時啲濕濕碎碎嘅賬單殺到埋嚟，總係有人幫佢搞掂。

萬一佢失業，或者病咗，有失業救濟攞，入醫院保險又會幫佢埋單。

佢住公屋，呢世人應該都唔會打算買樓，亦都無必要。阿女將來如果讀大學都會有政府津貼，學費減免。老咗又會有退休金。

我呢啲隨時諗住唔撈嘅，先要儲錢啫。如果佢唔介意做到六十五歲退休，儲錢嚟做咩？

可能佢呢啲先至叫做遵守耶穌教訓：（馬太福音 6：26）飛鳥不撒種，不收割，也不在倉房裏儲糧，你們的天父尚且養活牠們，難道你們不比飛鳥貴重嗎？

雀仔今日食今日捉到嘅蟲蟲，聽日又出去捉過。即係餐搵餐食餐餐清。儲錢反而係唔夠信心嘅表現。

大陸的影響

香港人常投訴大陸人把香港搞亂，趁着回港，觀察一下。

東西炒貴了，那是切身感受到。

香港人常說大陸人沒禮貌，無公德心，香港人什麼時候開始以有禮貌和有公德心自居的？不時公眾場所聽到高八度爆粗的，是以字正腔圓純正廣東話發音。公厠厠板上總是有鞋印，那不見得一定是大陸人的鞋印。台灣的公厠才真正的乾淨，台灣街道才少垃圾。大陸人最多到廣東道彌敦道和上水購物而已，較少大陸行山友吧？為什麼香港的山頭那麼多垃圾？

倒是空氣污染比較恐怖。昂坪360纜車飽覽山海美景，不幸吹北風時卻聞到硝煙臭味，與四周景緻格格不入。高雄對正大陸，也聞到這種臭味。明明是工廠排放的，官方還敢抵賴說是車輛？不如說是炒菜味好了。

流行文化的凝聚力

多次遇到非以廣東話作母語人士，受香港電影，電視劇，音樂等吸引，唔識講都識聽廣東話。曾在比利時朋友家裏看到他收藏一書櫃的周星馳電影，就算本來不是星爺迷也十分感動。

出國才發覺，廣東話口音比較統一，是罕見現象。

各國各省各城各鄉，都有各種方言口音。所謂的「正統」口音，只是政府或王室定出來的「標準」而已。短至一個小時的車程距離，已出現完全不同的詞彙，每一代人之間的說話方式完全不同。年輕朋友測試荷蘭語Siri，完全聽得懂沒有問題，他爸爸來測試卻幾乎完全聽不懂。

廣東話為什麼會這麼統一呢？日常對話聽不出香港九龍新界居住的人說話有任何差別。馬來西亞星加坡人當中，說廣東話也和香港非常近似。只有些少差異，例如馬來西亞會說拜一拜二，香港說禮拜一禮拜二。海外華人有時會說二十千，而不說二萬，那是跟着阿拉伯數字的逗點來讀。

這都要歸功於香港的電視台，電台，才有這樣的認同感。不少海外華人還是看香港的電視劇集，聽香港的電台，看香港的新聞，聽香港的流行曲。

若香港怕丟失自己的文化，最好就是努力創作廣東話音樂和電影。

當香港的電視台沒落，電視劇越來越不受歡迎，香港的文化就會開始慢慢消失。

學校教育

比利時不少人讀完技術高中後，就有了一技之長，例如維修水電，木工，然後就可以找相關工作，又可幫忙家人朋友維修家居。

我讀了大學，然後我是不是因此有了一技之長呢？是不是就能做一些沒有讀過大學的人不能做的事呢？我並不覺得。我覺得我懂的東西，任何人只要對學科有興趣，多點留意細節，都可以懂得，根本不需要花三年上大學才能懂得。

現在互聯網上有這麼多機會學習，除了手工技術必需實習，特定實驗需要用專業儀器，醫學必需臨床測試，還有什麼是不能在家自學的呢？不少人在網上學語言，比上課學更流利。

回想在大學時期的收穫，上課學習是最少的。最開心的是參加各種體育運動，壁球，壘球，網球，健身，哥爾夫球，社交舞，平日少機會接觸的運動都玩了個遍，以最低廉的價錢租借最新款的器材。學校的電腦可以免費用各種新款繪圖和編程軟件，又可以優惠價欣賞藝術表演，還可用留學的名義去旅行。上課？Who cares？我常常蹺課的。考試成績不錯，不是上課學的，是課餘打工學的。

不過，要做這些事情，非要上大學不可嗎？畢業後也可以做啊，貴一點而已。

大學除了給你一張沙紙去找工作之外，到底還有什麼意義？甚至，當許多自學人士比畢業生專業技能更高時，一些頭腦開明的老闆更願意聘請沒有文憑但有工作能力的人。

埃塞俄比亞餐

屋企樓下開咗間埃塞俄比亞餐廳。第一次同爸媽去，得我地一枱客，老闆好似導遊咁，熱情介紹埃塞嘅風土人情。

佢話，埃塞有歷史最悠久嘅基督教文化，咁我地隨即諗起腓力同個埃塞俄比亞宦官啦。點知唔係喎，佢話埃塞嘅基督教已經有2500年歷史喎，即係仲早過耶穌？任佢講啦。埃塞的確係有深厚歷史文化，有自己一套獨立文字系統。

餐枱上無刀叉食具，除非你問佢攞，預咗大家用手食。

跟餐會送一隻幾特別嘅包，好似蛋卷咁，打開捲啲嘢食擺落口。老闆親手示範點樣包，然後佢話，埃塞俄比亞人食嘢呢，會將第一啖俾最重視嘅人食，跟手塞咗落阿范個血盆大口度。

佢地兩夫婦一齊開餐廳，老公做樓面，老婆做廚房，感覺上女仔煮嘢食乾淨啲。

第二次去係食自助餐，算幾抵食，有六樣熱菜，幾個沙律。肉類只得豬同雞，算啦呢個價錢，唔可以食人隻車。其實識食呢，叫一兩樣自己鍾意嘅，應該好食過自助餐，無必要食咁多。

全場除了我地之外，全部都係埃塞俄比亞人同佢地嘅伴侶。埃塞俄比亞人輪廓好分明，同其他非洲人唔同，好容易認，都幾多靚仔靚女。唔通全部都係靠老闆自己啲親戚朋友嚟支持小店？阿范話驚佢執笠，得閒多啲嚟，算援助吓埃塞俄比亞經濟。應該好過捐錢俾慈善機構，鼓勵人自力更生好過派綜援嘛。聽講話非洲經濟好大程度係倚賴旅居外地嘅非洲同胞寄錢返去。

考試和學習似乎是完全相悖的兩回事

我從來不是很擅長考試，我只是喜歡學習。

考試需要的是練習應試技巧，在特定範圍內考核，不求創新，但求達到要求，不犯錯。學習卻是憑着好奇心，往未知探索，冒着失敗的風險。有時聽到擅長考試的人拒絕學習，沒有好奇心，因為學習考試不會考的東西是浪費時間。

如果考試範圍是一個圓圈，考試的目的就是把這個圓圈填滿，學習是想知道圓圈以外還有什麼。

考試的目的是將人分成各種等級，但這些等級跟這些人的能力關係不大。

阿范沒有在大學讀中文系，即使中文比很多歐洲大學中文系畢業生好，可是求職時因為沒有證書，似乎不會得到面試機會。阿范最擅長的是演說，HSK偏偏只考讀寫聽，因為技術上易於評核。

公司聘請助手幫我做中文詞庫，把幾個候選人的履歷給我選，都有各種亮麗的學位名銜，我推薦朋友，履歷給直接丟到垃圾桶，因為學位名銜不符要求。我出幾題簡單測試，那些亮麗名銜的人繁體簡體都不會分，台灣音大陸音不同也不知道。那些只懂考試寫論文的人究竟有什麼用？我真的不知道。結果是我力排眾議聘請了朋友。

究竟考試制度還要扼殺多少好奇心和理想，埋沒多少人才呢？

Define香港人

歐洲遇見華人，學精了，一開始要問，你說中文嗎？
不要問，你是中國人嗎？因為會得罪台灣和馬來西亞人。香港人通常反而不太抗拒。
從哪裡來？如果是中國人，他們會很小心翼翼，猶疑一下，然後答，中國。
有時我會沒好氣的再問，中國哪裡呀？他們會再次謹而慎之的說，大陸。

一次，某大陸人問我，你是哪裡人？我順口答，香港人。
他似乎有點不屑，那你是中國人嗎？怎麼定義香港人？

我說，我是地球人哪。你也大可說自己是山東人，有問題嗎？
（如此小心謹慎，是否怕說錯話被指分裂中國，搞魯獨？）

曾有比利時人向也門人自我介紹說，我是從奧斯滕德來的，nice to meet you. (奧斯滕德是比利時一個海邊小城，比根特還小。)沒有人會覺得他要搞奧斯滕德獨啊。

阿范曾順口說句，以我們中國人的傳統...
笑得大家人仰馬翻。

阿范喜歡唱許冠傑，張學友，陳奕迅，飲茶食點心，揸筷子，但沒有香港身份證，也沒有在香港定居過。若自稱香港人有罪嗎？

那麼，「香港人」不一定等同於有香港身份證吧？我有比利時身份證，是否應該自我介紹為比利時人？我去城堡和博物館時還會拿身份證出來，證明我是根特人，免費入場呢。
統治中國的高官當中若妻兒是英美澳加歐洲人，那又怎麼計算？

識講廣東話又是否身為香港人的必要條件？許多長住香港甚至土生土長的人不會說廣東話，你問他們是哪裡人，他們會理所當然的回答自己是香港人嗎？

如果一個人以中文（不必是普通話）為母語，甚至讀過孔孟春秋唐詩宋詞三國西遊，對古代（不是現代）中華文化有認同感，是否必然是中國人呢？
若持中國國籍，但不認同中華傳統美德呢？

有次和路人甲聊天時不小心說了句，中國人的概念當中...
對方黑面：我不是中國人。
咦，你是台灣人嗎？我是香港人耶。
即時破冰。

某次在高雄和老大媽聊天，我刻意學着那慢條斯理的語氣。她說，別怪我雞婆啊，你從高雄嫁過去歐洲，我想問你呢...

我哈哈大笑，幾乎想擁抱她一下。這樣子被人曲線稱讚國語了得，應該還是第一次。聽得懂「雞婆」的大陸人香港人未必太多。

某些政治敏感人士的心靈未免太脆弱，太容易受傷了吧？世界上大部份人都未必有那種想像力，去把和路人甲聊天的話題都無限上鋼上線政治化吧？

我覺得，香港人的定義很廣，只要願意融入香港社會，識講廣東話，和大家和平共處，香港人是很容易接受不同膚色的人成為香港一份子的。