桎梏之下

學生寫論文，嗔搵唔到資料，不得不老作。我問佢，咩論文咁撩棱，點會無資料呀？

佢俾咗個題目我，谷歌一搜，大把啦，學術文章又有，普通網又有，英語以外其他語言自動翻譯過來的都有。

原來佢喺國內，百度搜唔到。

真慘。想翻牆連工具都下載唔到，Skype又登入唔到。叫咗佢咖啦，返去之前又唔裝定先。

唔怪得國內會出現Translate server error嘅招牌囉，谷歌翻譯都無咁渣啦，九成係百度翻譯嘅傑作。

佢識英文都仲好少少，見到多少少嘢。第日大陸取消英文必考，啲人唔學英文，仲更加容易俾人蒙蔽同控制。

Valkenburg - 會做生意的荷蘭人

這就是荷蘭唯一的山，於是成為了景點。

荷蘭堡主因為明知必輸，不想城堡被法國人佔領，所以自己炸掉的。

有天空之城feel的銹鐵擺設

那個小丘只有百多米高，叫佢做「山」已經好俾面，居然還有纜車可坐，行路上去都唔使十五分鐘。

諗起上次坐纜車係上阿爾卑斯山，海拔三千米左右。香港山頂纜車都幾近四百米高。佢得嗰百幾米都整纜車，奇在竟然生意唔錯，真係服咗佢。

丁咁大個城，人又唔多，竟然全城泊車都要收費，公眾假期都唔例外。問下路人甲，佢指我地去另一個停車場泊車，話平啲。泊完出來，見到又有另一個仲平。我思疑佢介紹嗰間喺佢自己屋企開嘅。因為歌仔都有得你唱，荷蘭人係自己造船賣船票，非常實惠咖嘛！