點解會做或者唔做某啲嘢，應該係思考之後嘅選擇。
例如點解讀書，點解返工，點解結婚／唔結，點解生仔／唔生，點解返呢份工唔返嗰份，點解信呢樣唔信嗰樣，點解同呢班人做朋友？很多人的答案好可能係，無諗過，咁啱囉，無得揀，順其自然，大部份人都係咁，朋友介紹，人地咁講，習慣咗，父母傳落嚟，唔知喎。
隨着社會越來越開放，科技越進步，人越長大，越來越多嘢有得揀。只有少數例如出身家庭，天資，健康係無得揀，或者選擇範圍同機會比較小。出生喺北韓或伊斯蘭國，咁就真係無乜得揀。
問題係，好多人都無勇氣去走出一步。離開自己嘅舒適圈，要好有「信心」。例如「天生我才必有用」，「善惡到頭終有報」，「天無絕人之路」，「助人為快樂之本」等信念，令好多人有非凡勇氣去做一啲與別不同嘅事。好多人未必有宗教，但活着必須有信念，否則就如行屍走肉，人云亦云。
你仔細觀察，思考一下呢啲「信念」，背後或多或少都有「老天爺」嘅成份，有些少近似「信仰」，但又未至於「宗教」。
「宗教」係好多人概念裏，係無得解釋，亦都唔好問咁多，你一係信一係唔信，有某啲傳統落嚟嘅習俗行為，嗰啲叫做迷信。
人應該從不同角度理解呢個世界，思考人生意義。然後鼓起勇氣去改變生活態度，做事方式。
