說有就有

阿B看完電影，說想要人仔，還挑好了要什麼造型。然後我就拿家裡剩下的陶泥給她捏了一個。

是不太寵壞了呢？哪有小朋友說想要什麼，就有什麼的啊？

 

一整片的顏色讓她自己塗，細節我幫她畫。

剛開始的時候還是茫無頭緒，胸無成竹的，但別想太多，開始做了，便見步行步，逐點修改細節。

現在寫程序也是這樣，胡亂開始，東摸西試，逐漸摸出些頭緒。只要鼓起勇氣開始，漸漸就會走出來。

仍然沒有在社交網站公開我的工作，因為覺得沒有必要。不時有獵頭公司找我，我只是不理睬。

這是不是叫做愚忠呢？老闆和同事都對我很好，我就很容易滿足，不作其他打算，暫時也不考慮別的機會了。

給我愛了14年的你一個名份

 

比利時同事剛去吃了四川麻辣火鍋，回來說我不是中國人，因為我沒有吃過。

我說我是廣東人好了，誰在乎呢。

最近終於下定決心，弄好了各種文件，拿了個比利時國籍。其實誰在乎比利時呢？我只想做個根特人，Gentenaar，給我愛的小城市一個名份，以求藕斷絲連。

上次友人來比，我和小孩在根特市中心，讓阿范開車接送朋友。友人不放心我和小孩留在外面，我不假思索的說，我在家裡啊。朋友又哪裡能明白呢，整個小城市都是我的家。

懷舊幾何

誰想到坐標幾何居然這輩子會用得上呢？如果我的高中數學老師告訴我，學這些東西很實用，將來工作會用得上，我肯定是不會相信的。他自然也沒有這麼說過。

彷彿回到了中學時期，天天在和數學公式相愛相殺。

數學真的好美，程序也要寫得這麼美才行呢。

講一套做一套

失業後口裡話要過低慾望生活，實際上做唔到。一開始仲讀下詩，砌下樂高，抱下豚鼠，打下波，游下水。後來坐唔住開始擔心了，眼看身邊幾個碩士博士朋友失業三至六年，有啲都仲未搵到工，我就有啲驚會好似佢地咁，失業得越耐，搵到工嘅機會越渺茫。

活著就是為咗各種體驗，各種吃喝玩樂，到處旅遊。如果邊度都唔去咩都唔做，活着有咩意義呢？

都係老老實實去返工啦。

下個禮拜返新工，心情頗緊張。請我寫Java & C++，我有咩可能識得寫呢？總之我簽咗張賣身契，唔識都要識咖嘞。難得新老細信我會學得識，咁我就一定要學得識。

我無論如何短期內都唔想再搵工了，搵工真係好辛苦，幾廿百樣嘢可以學，都唔知應該由咩學起，學咗又唔知點證明畀人知我學咗，又唔知係咪真係會搵到工，用得着。所以只有簽咗約呢，我先可以安心同專心咁學佢要嘅嘢。

呢間公司好得意，個部門阿頭72歲，本來退咗休，得閑無聊貪玩走返來寫程式。估計呢間公司啲曲應該寫得好靚，唔係意粉曲。之前同人改曲睇到我暈，何只意粉，長壽麵添呀。

幸好搵到RyiSnow嘅遊戲教程，寫咗兩個遊戲，登時對OOP的概念熟習咗好多，開始有返些少信心。

原本教程裡係單人遊戲，我將佢改咗做雙人。然後隨機出磚嘅演算法改善咗，七輪裡每一款磚都必定會出現一次，避免咗等條條等到完蛋嘅情況。

原本教程裡嘅設計，物件之間冇分得好清楚，導至加玩家時啲變數撈亂晒。研究咗幾日，消耗咗唔少朱古力先寫到出嚟。我將佢大執完之後，啲曲簡潔易明咗好多，以後如果想再加玩家都會好容易。開講都有話寫曲要好似寫小說咁條理分明，寫詩咁簡潔。

寫到出嚟嗰下真係好開心，好有成就感。感覺兩個禮拜內學識咗多年以來有聽過但冇明白過嘅概念。實踐真係最好嘅學習方法。

寫完第一個俄羅斯方塊後，寫第二個遊戲就容易咗好多。啲圖係RyiSnow度借嘅，個教程跟咗一陣間我就自由發揮了。又係加一個玩家，撞到怪獸會死，攞晒啲寶石就過關。

地圖係糰仔設計嘅，數字０到５代表泥草水牆樹屋，佢整地圖都玩得好開心。佢整咗三張地圖，所以總共有三關，就打爆機。對啲小朋友嚟講都有啲難度，糰仔好勇咁衝出去，一唔小心就畀怪獸食咗，妹妹就驚到暱埋喺牆角唔夠膽行出嚟。

印象中大學開放日時參觀計算機系同學嘅畢業功課都差唔多係咁樣之嘛。